Is é Jim Clarken Príomhoifigeach Feidhmiúcháin Oxfam Ireland agus tá sé ina Stiúrthóir Feidhmeannach ar Oxfam International.
Mór-thráchtaire ar cheisteanna domhanda a bhaineann le cearta an duine, neamhionannas, forbairt inbhuanaithe, cearta an teifigh agus an imircigh, agus gnó agus cearta an duine, tá clú ar Jim mar cheannaire smaointeoireachta san earnáil agus cuireann sé go rialta le díospóireacht pholaitiúil agus phoiblí trí abhcóideacht agus tráchtaireacht meán i raon leathan fóraim idirnáisiúnta. Roinn sé ardáin ardleibhéil le ceannairí smaointeoireachta sinsearacha, an lucht acadúil agus polaiteoirí ag comhlachtaí de chuid na Náisiún Aontaithe, na hEagraíochta um Chomhar agus Forbairt Eacnamaíochta (OECD) agus an Aontais Eorpaigh ag ardáin iomadúla in Éirinn, an tOireachtas agus Stormant i dTuaisceart Éireann ina measc.
Bhí sé i bhfách go mór le cearta na mban riamh anall; spreag Jim fócas ar inscne ag Oxfam agus é ag obair ar chumhachtú geilleagrach na mban agus rannpháirtíocht na mban i gceannaireacht pholaitíochta agus ghnó, agus stiúir sé an Irish Consortium on Gender Based Violence.
Bhí baint aige le bunú Irish Refugee and Migrant Coalition, Stop Climate Chaos, Irish Coalition for Business and Human Rights agus is iarchathaoirleach é ar Dóchas.
Tá taithí fhairsing ceannaireachta agus rialachais chorparáidigh aige, ag obair ar leibhéal na hardbhainistíochta agus an bhoird san earnáil chorparáideach agus in earnáil idirnáisiúnta na n-eagraíochtaí neamhrialtasacha le nach mór tríocha bliain anuas.
Is Ollamh Taca é Jim i Scoil an Ghnó agus an Dlí in UCC, comhalta boird de Scoil Ghnó Ollscoil Chorcaí agus cuireann sé go rialta le cláir éagsúla Ollscoile. Tá Baitsiléir sa Tráchtáil aige ó OÉ, Gaillimh agus MBA ó UCC.