Díolúintí ginearálta faoin dlí faoi idirdhealú maidir le seirbhísí
Tá roinnt cásanna nuair nach mbíonn na hAchtanna um Stádas Comhionann 2000–2018 (‘na hAchtanna’), a bhaineann le hidirdhealú maidir le hearraí agus seirbhísí, i bhfeidhm. Tugtar díolúintí orthu sin. Tugtar míniú ar roinnt díolúintí ginearálta sna hAchtanna, lena n‑áirítear:
- Dlíthe eile: Ní chuireann na hAchtanna cosc ar chaitheamh ar bhealach difriúil le daoine éagsúla má éilíonn dlí eile é. Mar shampla, níl sé in aghaidh na nAchtanna íocaíocht leasa shóisialaigh a dhiúltú má deir an dlí leasa shóisialaigh nach bhfuil tú i dteideal na híocaíochta.
- Náisiúntacht: Níl cosc faoi na hAchtanna ar ghníomh a dhéanann údarás áitiúil maidir le náisiúnach neamh‑Éireannach nach bhfuil sa Stát go dleathach.
- Iompar: Níl sé in aghaidh na nAchtanna earraí, seirbhísí nó cóiríocht a dhiúltú má tá cúis mhaith ag an soláthraí seirbhíse a chreidiúint go bhfuil baol suntasach ann go mbeadh iompar coiriúil nó mí‑ordúil nó dochar do réadmhaoin mar thoradh ar earraí nó seirbhísí a sholáthar do chustaiméir.
Ní chlúdaíonn na hAchtanna um Stádas Comhionann gach cás féideartha a bhaineann le hidirdhealú maidir le seirbhísí:
- Ní chlúdaítear ach roinnt cineálacha idirdhealaithe.
- Ní chlúdaítear ach naoi bhforas go hiondúil, agus deich bhforas maidir le cóiríocht.
- Tá roinnt srianta ar an méid a chaithfidh soláthraithe seirbhíse a dhéanamh. Áirítear leis sin nach gá dul thar chostais ainmniúlaa bhaineann le freastal réasúnta a chur ar fáil do dhaoine faoi mhíchumas.
- Tá roinnt cineálacha idirdhealaithe – ar nós idirdhealú dearfach – nach bhfuil in aghaidh an dlí.
Tá cineálacha eile díolúintí ann:
- Díolúintí a bhaineann le hearraí agus seirbhísígo hiondúil
- Díolúintí sonracha nach mbaineann ach le seirbhísí cóiríochta
- Díolúintí sonracha nach mbaineann ach le clubanna
- Díolúintí sonracha nach mbaineann ach le hoideachas.
Cliceáil ar na naisc le feiceáil an mbaineann aon cheann de na díolúintí le do chás féin.