Scéim Deontas Chearta an Duine agus Comhionannais 2026-27
Tá Scéim na nDeontas 2026-2027 dúnta anois. Fógróimid na tionscadail rathúla níos déanaí sa bhliain.
Snáitheanna na Scéime Deontas
Tá bonn eolais ag téamaí Scéim Deontas Chearta an Duine agus Comhionannais 2026-27 ó thosaíochtaí straitéiseacha an Choimisiúin a leagtar amach ina Ráiteas Straitéise 2025-27.
Tacóidh an Scéim Deontas le tionscadail faoi na snáitheanna seo a leanas i mbliana:
Cearta arna gcosaint faoi Choinbhinsiún na Náisiún Aontaithe ar Chearta Daoine faoi Mhíchumas a chur chun cinn.
Cearta arna gcosaint faoi Choinbhinsiún na Náisiún Aontaithe maidir le Gach Cineál Idirdhealaithe Chiníoch a Dhíothú (UNCERD) a chur chun cinn.
Cearta an duine agus an comhionannas a chur chun cinn agus a chosaint sa timpeallacht dhigiteach, lena n-áirítear cur i bhfeidhm na hintleachta saorga.
Sruthanna Maoinithe
Tá maoiniú ar fáil do dheontais bheaga agus do dheontais ghinearálta:
- Deontais Bheaga suas go: €7,000
- Deontais Ghinearálta suas go: €22,000
Treoir agus Foirm Iarratais Scéim Deontas 2026-27
Eagraíochtaí Incháilithe
Tá an Scéim Deontas oscailte d’eagraíochtaí sochaí sibhialta a oibríonn chun cearta an duine agus comhionannas a chur chun cinn agus do cheardchumainn in Éirinn. Áirítear le heagraíochtaí sochaí sibhialta: eagraíochtaí pobail agus deonacha idir áitiúil agus náisiúnta, eagraíochtaí neamhrialtasacha, grúpaí faoi stiúir daoine a bhfuil cearta acu, grúpaí a dhéanann ionadaíocht ar phobail bunaithe ar cheantair nó pobail sainleasa a chosnaítear faoi dheich bhforas na reachtaíochta Comhionannais, chomh maith le grúpaí a fhulaingíonn bochtaineacht, idirdhealú nó eisiamh socheacnamaíoch, iarratasóirí ar chosaint idirnáisiúnta agus pobail imirceach ina measc.
Chun bheith incháilithe, caithfidh eagraíocht sochaí sibhialta a bheith ina heagraíocht neamhbhrabúis agus cláraithe mar Chuideachta faoi Theorainn Ráthaíochta leis an Oifig um Chlárú Cuideachtaí (CRO), agus/nó a bheith ina Carthanas cláraithe.
An bhfuil Spéis agat Iarratas a Dhéanamh?
Cláraigh le haghaidh Seisiún Eolais faoin Scéim Deontas chun tuilleadh a fháil amach!
Beidh na Seisiúin Eolais faoi na Deontais ar siúl ar líne agus soláthrófar sonraí faoi Scéim Deontas Chearta an Duine agus Comhionannais 2026-27, lena n-áirítear a téamaí, critéir, agus an próiseas chun iarratas a dhéanamh. Beidh na Seisiúin Eolais ar siúl:
- Idir 2pm agus 3pm Dé Céadaoin, 15 Aibreán 2026 (cuirfear TCÉ ar fáil)
- Idir 2pm agus 3pm Déardaoin, 16 Aibreán 2026
- Idir 2pm agus 3pm Dé Máirt, 21 Aibreán 2026
Cláraigh chun freastal orthu trí ríomhphost a sheoladh chuig rsvp@ihrec.ie le dáta an tseisiúin ar mhaith leat freastal air i líne an ábhair.
Inis dúinn an bhfuil aon riachtanais speisialta agat le linn duit clárú. Cuideoidh sé sin linn inár n-ullmhúcháin do na seisiúin. Soláthraítear léirmhíniú TCÉ ag ceann amháin ar a laghad de na trí Sheisiún Eolais.
