Is é Coimisiún na hÉireann um Chearta an Duine agus Comhionannas Institiúid Náisiúnta na hÉireann um Chearta an Duine agus Comhlacht Comhionannais Náisiúnta.
Oibrímid go neamhspleách ar an Rialtas chun cearta an duine agus an comhionannas a chosaint agus a chur chun cinn in Éirinn.
Tá sé de dhualgas orainn:
Ba mhian linn cabhrú chun:
Tá róil shonracha againn maidir le míchumas, cosc a chur ar gháinneáil ar dhaoine agus ar chéasadh, tuairisciú ar an mbearna phá idir na hinscní, monatóireacht a dhéanamh ar chearta tar éis Brexit, agus intleacht shaorga.
Éire ionchuimsitheach ina léirítear meas ar chearta an duine agus ar an gcomhionannas.
Cearta an duine agus an comhionannas a chosaint agus a chur chun cinn in Éirinn.
Sainmhíníonn ár luachanna an chaoi a dtugaimid faoinár gcuid oibre, an chaoi a n-oibrímid mar Choimisiún agus an chaoi a bpléimid le daoine a chónaíonn sa Stát seo. Creidimid go bhfuil ár luachanna an-tábhachtach dár gcultúr, agus riachtanach dár bhfeidhmíocht mar eagraíocht.
Táimid tiomanta do thacú leis na daoine a mbíonn na constaicí is mó ina mbealach chun ceartas a bhaint amach mar chuid de chosaint chearta an duine agus comhionannais do chách.
Táimid go hiomlán tiomanta do luachanna na hoscailteachta, na trédhearcachta agus na cuntasachta don phobal agus don Oireachtas.
Tógaimid meas agus iontaoibh trína aithint chomh luachmhar agus atá an méid a chuireann gach duine inár n-eagraíocht agus gach duine lena n-oibrímid lenár gcuid oibre chomh maith lena dtionscnaíocht. Agus meas againn ar an iontaoibh a chuireann daoine ionainn, tugaimid faoinár gcuid oibre de réir na gcaighdeán gairmiúil is airde
Aithnímid neamhspleáchas pearsanta agus féinchinntiúchán na ndaoine uile a bhfuil cearta acu agus iad siúd ar a bhfuil dualgais. Táimid tiomanta do dhearcthaí daoine eile a chloisteáil agus foghlaim uathu.
Ó cuireadh an Coimisiún ar bun, tá roinnt réimsí freagrachta breise tugtha dó. Áirítear ina measc siúd sainorduithe sna réimsí maidir le míchumas, gáinneáil ar dhaoine a chosc, intleacht shaorga, agus an bhearna phá idir na hinscní a thuairisciú.
Tá an Coimisiún comhdhéanta de chineálacha difriúla daoine a bhfuil eolas nó taithí acu ar shaincheisteanna maidir le cearta an duine agus leisangcomhionannas. Tá 15 Chomhalta ag an gCoimisiún faoi láthair, agus an Príomh-Choimisinéir ina measc. Cinneann siad cé na topaicí ar a ndírímid, cé na beartais atá againn, agus cathain a úsáidimid cumhachtaí áirithe.
Mar an Institiúid Náisiúnta um Chearta an Duine (NHRI), déanann an Comhaontas Domhanda d’Institiúidí Náisiúnta um Chearta an Duine (GANHRI) measúnacht orainn maidir le Prionsabail Pháras de chuid na Náisiún Aontaithe a chomhlíonadh. Leagtar amach i bPrionsabail Pháras na caighdeáin íosta a chaithfidh Institiúidí Náisiúnta um Chearta an Duine a chomhlíonadh chun oibriú go héifeachtach. Tá creidiúnú Stádas ‘A’ againn; is é sin an leibhéal is airde ar féidir le hInstitiúidí Náisiúnta um Chearta an Duine a bhaint amach i gcreidiúnú na Náisiún Aontaithe. Ciallaíonn sé sin go gcomhlíonaimid Prionsabail Pháras go hiomlán. Mar thoradh air sin, tá comhaltas iomlán in GANHRI againn, lena n-áirítear an ceart chun vóta a chaitheamh agus chun poist rialachais a bheith againn. Tá cearta rannpháirtíochta neamhspleácha againn freisin in go leor comhlachtaí agus sásraí de chuid na Náisiún Aontaithe, mar shampla an Chomhairle um Chearta an Duine.
Mar an Comhlacht Comhionannais Náisiúnta, ní mór dúinn dhá Threoir AE maidir le Caighdeáin do Chomhlachtaí Comhionannais a leanúint, a thiocfaidh i bhfeidhm sa bhliain 2026. Cabhróidh na Treoracha le dlíthe comhionannais agus comhlachtaí comhionannais ar fud na hEorpa a dhéanamh níos éifeachtaí.
Forbraíodh ár Straitéis le haghaidh 2025–2027 i ndiaidh próiseas comhairliúcháin cuimsitheach ar fud earnálacha uile na sochaí, ó chúlraí éagsúla agus ó na glúnta difriúla.
Is iad seo a leanas ár gcuspóirí straitéiseacha:
Tá an Coimisiúin freagrach as treo straitéiseach na heagraíochta. Cinneann sé cé na topaicí ar a ndírímid, cé na beartais atá againn, agus cathain a úsáidimid cumhachtaí áirithe.
Tá Coistí Comhairleacha againn freisin chun comhairle a chur orainn faoi ábhair shonracha. Tá an Stiúrthóir agus an fhoireann ardbhainistíochta freagrach as foireann Choimisiún na hÉireann um Chearta an Duine agus Comhionannas agus as é a bhainistiú ó lá go lá.
Tá an fhoireann eagraithe ina cúig phríomhfhoireann agus is iad Ceannasaithe na rannóg sin, a thuairiscíonn don Stiúrthóir, an Fhoireann Ardbhainistíochta. Tá foireann eile, Oifig an Stiúrthóra, á stiúradh ar leibhéal an Phríomhoifigigh Chúnta. Is iad seo a leanas na foirne:
Déanann ár bhfoireann dlí:
Déanann ár bhfoireann beartais agus taighde:
Déanann ár bhFoireann Rannpháirtíochta Straitéisí:
Déanann ár bhfoireann Monatóireachta agus Comhlíonta feidhmeanna IHREC a chomhlíonadh mar:
Déanann ár bhFoireann Seirbhísí Corparáideacha:
Déanann foireann Oifig an Stiúrthóra:
De réir an dlí, is féidir linn Coistí Comhairleacha a cheapadh chun cúnamh agus comhairle a thabhairt dúinn maidir le codanna áirithe dár gcuid oibre.
Tá Coiste Comhairleach ar Ghnóthaí Míchumais agus Coiste Comhairleach d’Oibrithe agus d’Fhostóirí againn faoi láthair .
Mar chomhlacht poiblí, táimid tiomanta do bheith chomh hoscailte agus chomh trédhearcach agus is féidir maidir lenár bpróisis agus ár nósanna imeachta.
Táimid lonnaithe i gcroílár chathair Bhaile Átha Cliath
Is é 16-22 Sráid na Faiche, Baile Átha Cliath 7 ár seoladh. Is é D07 CR20 an tEirchód.
Tá líne gutháin ár ndeisce fáiltithe ar fáil ó Luan go hAoine idir 10.30 r.n. agus 12.30 i.n agus idir 1.45 i.n. agus 3.15 i.n.
*Tabhair do d’aire nach gcuirimid seirbhís ina mbítear i láthair go pearsanta ar fáil. *
Saoráidí Changing Places
Tá saoráid leithreasa Changing Places atá go hiomlán inrochtana ar fáil ag ár n-oifigí. Tá níos mó spáis agus an trealamh iomchuí ar fáil sa tsaoráid do dhaoine a dteastaíonn cúnamh uathu ó chúramóir chun aire a thabhairt dá sláinteachas pearsanta go sábháilte agus go compordach.
Táimid tiomanta do bheith chomh hinrochtana agus chomh cuimsitheach agus is féidir i ngach rud a dhéanaimid.
Tá oifigigh rochtana tiomnaithe againn ar féidir leo cabhrú leat le haon cheisteanna inrochtaineachta a d'fhéadfadh a bheith agat.
Tá comhoibriú ríthábhachtach dár gcuid oibre. Oibrímid go díreach le daoine agus eagraíochtaí a bhfuil taithí acu ar shaincheisteanna maidir leis an gcomhionannas agus le cearta an duine.
Déanaimid ár mbaill foirne a earcú trí publicjobs.
Líon isteach an fhoirm teagmhála chun dul i dteagmháil le hoifigeach rochtana.
Mar mhalairt air sin, is féidir leat ríomhphost a sheoladh chuig access@ihrec.ie nó glao a chur ar 01 8589601